Што е GPS приемник?

GPS-приемник или GPS-уред е секој уред што прима сигнали од глобалниот систем за позиционирање (GPS) со цел да ја одреди моментална местоположба на Земјата. GPS-уредите ја прикажуваат географската ширина и географската должина, а некои можат да ја пресметаат и надморската височина. Покрај цивилната употреба, ваквите уреди наоѓаат примена во војската, воздухопловството и поморството.

GPS-уредите може да имаат и дополнителни можности како:

• да содржат карти, кои може да се претставени со текст или графички
• да му предлагаат насоки на човекот што управува со возилото/пловилото по пат на текст или говор
• да информираат за состојбата на патиштата и сообраќајот (со претходно заведени податоци или податоци во живо) и да предлагаат други подобри насоки
• да даваат информации за продажни и услужни места во близината (на пр. ресторани, бензински пумпи и сл.)

Со други зборови, сите GPS-уреди можат да одговорат на прашањето „Каде сум ?“, а може и да знаат да одговорат на:

• кои патишта или патеки ми се на располагање сега?
• по кои патишта или патеки да одам за да стасам до саканото одредиште?
• ако на некои патишта има вонредно многу сообраќај, по кои други е подобро да одам?
• каде има нешто за јадење во близина или каде можам да наполнам гориво?

Има повеќе видови на GPS навигации, но ние работиме со автомобилски навигации, камионски навигации и мобилни телефони со навигации.

Од автомобилските и камионските навигации, работиме со GARMIN и TOMTOM навигациите, а кај мобилните телефони работиме со iGO и NAVIGON.